GARETH BALE AREJEA KUNDINI

Gareth Bale, nyuma kabisa akipasha misuli na wachezaji wenzake.

Mshambuliaji wa pembeni kutoka nchini Wales Gareth Bale, amerejea mazoezini akiwa sambamba na wachezaji wenzake wa klabu ya Real Madrid baada ya kupona majereha ya misuli ya paja yalikua yakimsumbua kwa muda wa majuma mawili yaliyopita. 

Bale alikosa michezo kadhaa ya klabu hiyo ya mjini Madrid baada ya kurejea klabuni hapo akiwa na majaraha ya misulu ya paja akitokea kwenye majukumu ya timu yake ya taifa ambayo kwa sasa ipo kwenye mchakato wa kusaka nafasi ya kucheza fainali za mataifa ya barani Ulaya. 

Kurejea kwake mazoezini kunadhihirisha wazi atakuwa sehemu ya kikosi cha The Meringues kitakachopambana na Liverpool katika mchezo wa ligi ya mabingwa barani Ulaya hapo kesho. 

Meneja wa Real Madrid Carlo Michellengelo Ancelotti amekiri kufurahishwa na hatua ya kurejea kwa Gareth Bale na anaamini ataongeza chachu kikosini kwake katika kipindi hiki ambacho wanahangaikia point muhimu ambazo zitawavusha na kuwapeleka kwenye hatua ya 16 bora ya michuano ya ligi ya mabingwa barani Ulaya.