WANAKIBINDU:CHONDE CHONDE MH. RIDHIWANI UKIPATA UBUNGE ANZA NA MIUNDOMBINU YA BARABARA KIBINDU

  
Katibu wa CCM Mkoa wa Mtwara Ndugu Shaibu Akwilombe akizungumza na wananchi wa kijiji cha kwa Msanja kata ya Kibindu katika jimbo la Chalinze wakati wa mkutano wa kampeni uliofanyika katika kijiji hicho, ambapo viongozi kadhaa wa Chama cha Mapinduzi wakiongozwa na Mwenyekiti wa CCM mkoa wa Geita Ndugu Joseph Msukuma wamewataka wananchi hao wa kata ya Kibindukumchagua mgombea ubunge wa CCM Bw. Ridhiwani Kikwete kwa kuwa anaweza kuwatatulia matatizo yao mbalimbali yanayowakabili katika kata yao kwani Ridhiwani Kikwete ni msomi, mwanasheria na mtu aliyepewa dhamana na chama cha Mapinduzi chenye uongozi kuanzia shina mpaka ngazi ya kitaifa hivyo wanao uwezo wa kumpata mahali popote kwani anao udhamini wa kuaminika. hata hivyo tatizo kubwa la kata ya Kibindu ni miundo mbinu ya barabara na maji jambo ambalo wananchi hao wanaeleza kwamba ni muhimu mbunge wao anayekuja aanze nalo, Mbunge aliyepita Marehemu Said Ramadhan Bwanamdogo aliugua muda mrefu jambo lililopelekea wananchi hao kukosa mwakilishi wao katika mambo mbalimbali ya maendeleo jimboni humo.

Picha na Kibindu - Chalinze  
  Hii ndiyo hali halisi msafara wa viongozi hao ukielekea kijiji cha Kwakirumbi kwa ajili ya mkutano wa kampeni kijijini hapo.   
 Moja ya magari tuliyotumia likipita katika madimbwi makubwa.   
 Gari hili likiwa limekwama na likisukumwa ili kunasua katika dimbwi la matope. 
Kwaya ikitumbuiza katika kijiji cha kwa Kirumbi.
Ukaguzi wa barabara ukifanyika kabla ya kupita.
Juhudi zikifanyika kunasua gari lililokwama.
Mwenyekiti wa CCM mkoa wa Geita akipita na gari lake katika madimbwi.
Wananchi wakserebeka na muziki kabla ya kuanza kwa mkutano wa kampeni katika kijiji cha Mjembe.
Hapa mambo yamekaa sawa tunakunja vifaa na tunang’oa nanga.
Safari kuelekea kwenye magari