RAIS UHURU KENYATTA WA KENYA AKUTANA NA MSANII AKON NCHINI MAREKANI

Rais Uhuru na Akon: Hapa walikutana wakati wa mapumziko kwenye hili kongamano.

RAIS Uhuru Kenyatta wa Kenya ni miongoni mwa Marais wachache wenye umri mdogo kulinganisha na Marais wengi ambapo amekua akienda sawa na baadhi ya mahitaji au tabia ya vijana wengi ikiwemo kujumuika na Wasanii wakubwa hata wa Kenya kama Jaguar ambae huwa mara nyingi anakuwepo kwenye hafla za Ikulu.

Kwa mujibu wa ripota wa Kenya Julius Kepkoich, ni kwamba mmoja wa Waandaaji wa mkutano wa Brook Business uliowakutanisha pamoja marais wa afrika na wakuu wa kampuni za kimataifa ni mwimbaji Akon.

Akon mwenye asili ya Senegal aliezaliwa miaka 41 iliyopita ni miongoni mwa wakali wachache kutoka Afrika ambao waliweza kupenda na kuingia kwenye chati za muziki wa dunia.

Rais Uhuru na Akon

Pamoja na umaarufu na utajiri wake alioupata akiwa anaishi mpaka sasa nchini Marekani, Akon bado ameendelea kuikumbuka Afrika na hata kwenye baadhi ya interview zake na anachoandika kwenye mitandao ya kijamii, anasisitiza watu kuwekeza Afrika.