NYUMBANI KITAIFA

Ulimwengu wa habari.

KATIKA BIASHARA

Ulimwengu wa habari.

MATAIFA MENGINE

Ulimwengu wa habari.

KATIKA BURUDANI

Ulimwengu wa habari.

MAAJABU DUNIANI

Ulimwengu wa habari.

Wednesday, June 10, 2015

ISIKILIZE NA UIPAKUE TRACK MPYA YA OCHU SHEGGY – DUMANGE *AUDIO*

ochuuu1 sheggy

ITAZAME BRAND NEW VIDEO YA DAVIDO X MEEK MILL – FANS MI

Davido-Meek-Mill-640x440

MTANGAZAJI DINA MARIOS ANENA MAZITO, INASIKITISHA SANA... SOMAALICHOKISEMA HAPA!


ALI NA ABDUL KIBA WATIA MAGUU VOA *PICHA*

Ali 1
Kushoto promota wa Ali Kiba Marekani Dickson Mkama a.k.a DMK , Ali Kiba , Abdul Kiba na Sunday Shomari.

MZENJI MPYA YANGA TISHIO SIMBA

KIUNGO wa Simba, Awadh Juma, ametamka kuwa kitendo cha Yanga kupata sahihi ya beki wa kushoto, Mwinyi Ngwali ni tatizo Msimbazi kwani mchezaji huyo yuko kwenye ubora na hanaga masihara kazini.

Awadh amesema uwepo wa Ngwali aliyesajiliwa kutoka KMKM ya Zanzibar utaimarisha safu ya ulinzi ya Yanga kutokana na staili yake ya uchezaji na hata katika mchezo watakaokutana, inawabidi wawe waangalifu na mtu huyo.

Akizungumza na Mwanaspoti, Awadh alisema: “Timu zimefanya usajili kutokana na mahitaji yao, lakini usajili wa Yanga kwa beki yule wa kushoto Ngwali, wamepiga bao sana kwani jamaa anajua.

“Namjua vizuri, pia tumeshacheza pamoja Zanzibar Heroes, ni beki ambaye anajitambua na anatumia akili, ana uwezo wa kupiga mipira mirefu, anapanda na anakaba.

Kutokana na hali hiyo, Yanga itakuwa vizuri sana kwa upande huo.”

Usajili wa Ngwali Yanga unaelezwa kwamba ni mapendekezo ya nahodha, Nadir Haroub ‘Cannavaro’ kuwa mchezaji huyo ni jembe. Cannavaro pia amehusika kwenye usajili wa Malimi Busungu wa Mgambo Shooting.

Mpaka sasa, Yanga imewasajili Ngwali, mlinda mlango, Benedict Tinocco, mawinga Deus Kaseke, Malimi Busungu na Geofrey Mwashiuya.


Simba nayo imeshawasajili, mlinda mlango wa JKU Mohammed Abraham, winga Peter Mwalyanzi kutoka Mbeya City, Haji Nuhu aliyeichezea Azam FC hapo nyumba na Fakhi Mohammed kutoka JKT Ruvu.

MKURUGENZI MKUU MSAIDIZI WA SHIRIKA LA AFYA DUNIANI ATEULIWA TOKA TANZANIA

MKURUGENZI Mkuu wa Shirika la Afya Duniani, Dk. Margaret F. Chan amemteua Dk. Winnie Mpanju-Shumbusho kutoka Tanzania kuwa Mkurugenzi Mkuu Msaidizi wa Shirika la Afya Duniani, upande wa masuala ya Ukimwi, Kifua Kikuu, Malaria na Magonjwa yaliyosahaulika.
Uteuzi huu umetangazwa rasmi na Dk. Chan wakati wa kikao cha 68 cha Baraza Kuu la Shirika la Afya Duniani kilichoanza tarehe 14 hadi 26 Mei, mwaka huu, Geneva nchini Uswisi.
Dk. Mpanju-Shumbusho ni mtaalamu na kiongozi mwenye uzoefu wa miaka zaidi ya 30 katika ngazi za juu za uongozi katika sekta ya Afya na Ushirikiano wa Kimataifa.
Kabla ya uteuzi huu, Dk. Mpanju-Shumbusho alikuwa Naibu Mkurugenzi Mkuu Msaidizi ndani ya Shirika la Afya Duniani upande wa Ukimwi, Kifua Kikuu, Malaria na Magonjwa yaliyosahaulika na akiwa na cheo cha Ukurugenzi wa Idara inayoshughulikia Ushirikiano wa Shirika la Afya Duniani na Mfuko wa Dunia wa kupambana na Ukimwi, Kifua Kikuu na Malaria (Global Fund to Fight AIDS, Tuberculosis na Malaria).
Dk. Mpanju-Shumbusho pia ni mwakilishi wa Shirika la Afya Duniani kwenye Bodi ya Mfuko wa Dunia wa kupambana na Ukimwi, Kifua Kikuu na Malaria na Bodi mbalimbali za kimataifa.
Hapo awali, Dk. Winnie Mpanju-Shumbusho alikuwa Mkurugenzi wa Idara ya kudhibiti Ukimwi na magonjwa mengine katika WHO, Makao Makuu Geneva, Uswisi.
Kabla ya kujiunga WHO, aliwahi kuwa Mkurugenzi Mkuu wa East, Central and Southern Africa Health Community Secretariat yenye makao makuu yake, Arusha, Tanzania.
Vilevile, aliwahi kuwa Mkuu wa Idara na Mhadhiri Mwandamizi, Idara ya Afya ya Jamii na Mgonjwa ya Watoto, Chuo Kikuu cha Dar es Salaam, (Muhimbili University of Health Science).
Katika wadhifa huu, Dk. Winnie pia alikuwa mwanzilishi wa mipango mbalimbali ya afya na taaluma na Mshauri Mkuu wa Wizara ya Afya, Tanzania upande wa Afya ya Jamii. Pia amewahi kuwa mjumbe wa Bodi mbalimbali za kimataifa.
Dk. Mpanju-Shumbusho ana Shahada ya Udaktari kutoka Chuo Kikuu cha Dar es Salaam; vilevile ana Shahada ya Uzamili katika Afya ya Jamii kutoka Chuo Kikuu cha Tulane, Marekani na Shahada ya Uzamili katika Medicine (Paediatric and Child Health) kutoka Chuo Kikuu cha Dar es Salaam. Vilevile ana Shahada ya Uzamifu na Shahada nyingine mbalimbali.
Akiwa Mkurugenzi na Mtaalamu katika Shirika la Afya Duniani, amekuwa mstari wa mbele kuandaa, kuongoza na kutekeleza mipango mkakati ya Dunia ya kujenga na kuimarisha sekta ya afya, hususani katika nchi maskini na zinazoendelea.
Mipango hii imezaa mafanikio makubwa ikiwamo kujenga uwezo wa nchi maskini kukabiliana na maradhi na afya za kina mama na watoto.
Sambamba na hilo, mipango hiyo pia ilifanikisha upatikanaji wa dawa za gharama nafuu katika nchi maskini ili kuweza kumudu gharama za matibabu kwa watu maskini.
Nchini Tanzania, Dk. Mpanju-Shumbusho ameweza kufanikisha upatikanaji wa matibabu na huduma nasaha za kusaidia kudhibiti ugonjwa wa Ukimwi, Kifua Kikuu, Malaria na magonjwa yaliyosahaulika.
Dk. Shumbusho ameolewa na ana watoto wawili, wa kiume na kike.

DKT. SHEIN AHUDHULIA MKUTANO WA BIASHARA BERLIN, NCHINI UJERUMANI

RAIS wa Zanzibar na Mwenyekiti wa Baraza la Mapinduzi Dk.Ali Mohamed Shein(kulia) akiwa na Balozi wa Jamhuri ya Watu wa Gabonese Mhe,Jean ClaudeBouyobartkabla ya kuanza kwa Mkutano wa Wafanyabiashara na Wawekezaji wa Afrika na Wajerumani uliofanyika Mjini Berlin Nchini Ujerumani.
Mwaziri wa Serikali ya Mapinduzi Zanzibar (kutoka kulia) Waziri wa Kilimo na Maliasili Mhe,Sira Ubwa Mamboya,Waziri wa Habari,Utamaduni,Utalii na Michezo Mhe,Said Ali Mbarouk na Katibu Kiongozi Dkt.Abdulhamid Yahya Mzee wamejumuika na Rais wa Zanzibar na Mwenyekiti wa Baraza la Mapinduzi Dk.Ali Mohamed Shein katika Mkutano wa Wafanyabiashara na Wawekezaji wa Afrika na Wajerumani uliofanyika Mjini Berlin Nchini Ujerumani.
Baadhi ya Viongozi wa Tanzania kutoka kulia Msaidizi Balozi wa Tanzania Ujerumani Christopher H.Mvula (kulia) Balozi Mohamed Ramia Abdiwawa pia Mshauri wa Rais Mambio ya Nje na Ushirikiano wa Kimatataifa na Uchumi(katikati) na Mkurugenzi wa Idara ya Mambo ya Nje ya Zanzibar Balozi Silima Kombo Haji wakiwa ni miongoni mwa walioshiriki katika Mkutano wa Wafanyabiashara na Wawekezaji wa Afrika na Wajerumani uliofanyika Mjini Berlin Nchini Ujerumani.
Katibu Kiongozi Dkt.Abdulhamid Yahya Mzee (kulia) na Balozi wa Tanzania Nchini Ujerumani Philipo Marmo wamejumuika na Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (hayupo pichani) katika Mkutano wa Wafanyabiashara na Wawekezaji wa Afrika na Wajerumani uliofanyika Mjini Berlin Nchini Ujerumani.
Balozi wa Jamhuri ya Watu wa Gabonese Mhe,Jean ClaudeBouyobart akizungumza na washiriki mbali mbali wa Mkutano wa Wafanyabiashara na Wawekezaji wa Afrika na Wajerumani alipoufungua rasmi katika jumba la Baraza la Biashara la Ujerumani Mjini Berlin.
Baadhi ya Wafanyabiashara na wawekezaji kutoka nchi mbali mbali za Afrika na Ujerumani wakiwa katika Ukumbi wa Mkutano wa Wafanyabiashara na wawekezaji wa Afrika na Ujerumani Mjini Berlin.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akitoa hutuba yake YA UFUNGUZI WA katika Mkutano wa Wafanyabiashara na Wawekezaji wa Afrika na Ujerumani uliofanyika Mjini Berlin.Picha na Ramadhan Othman.

ZILIZOSOMWA ZAIDI