MISS TANZANIA 2013 HAPPINESS WATIMANYWA AWASHUKURU WATANZANIA

Na Hans Mloli

ALIYEKUWA mshiriki wa Miss World 2014 kutoka Tanzania, Happiness Watimanywa, amerudisha fadhila kwa Watanzania.

Pamoja ya kwamba Happiness hakubahatika kuwemo kwenye 10 bora ya washiriki waliokuwa kwenye kinyang’anyiro hicho ambapo taji lilikwenda kwa Rolene Strauss wa Afrika Kusini, lakini alibahatika kushika namba mbili kwenye kipengele cha People’s Choice Awards kati ya washiriki 121 waliokuwa wakishiriki na namba moja ikatua kwa mshiriki wa Thailand, Maeya Nonthawan.

Akizungumza na Waandishi wa Habari jana kwenye Ukumbi wa Habari Maelezo jijini Dar, Happiness alisema anamshukuru kila mmoja aliyehusika katika hilo lakini pia anafurahi kuona Watanzania wameamka.

“Napenda kuwashukuru Watanzania wote kwa kunipigia kura, kuwa pamoja nami, kunitia moyo mara kwa mara kupitia mitandao ya kijamii na sehemu nyingine pia kwa ajili ya kuniaminisha kwenye michuano ile, nisingeweza kufikia hapa kama si muungano wetu Watanzania, tukiendelea hivi kwa kweli tutafika mbali zaidi katika siku za usoni,” alisema Happiness.