REDIO MLIMANI NA URUSHAJI MATANGAZO KWA NJIA YA MTANDAO

Katika kuhakikisha kuwa Radio Mlimani inaendana na ulimwengu wa Sayansi na teknolojia katika ukusanyaji na usambazaji wa habari, Shule Kuu ya Uandishi wa Habari na Mawasiliano kwa Umma ya Chuo Kikuu cha Dar es Salaam imemualika mtaalam kutoka nchini Finland Markiku Liukkonen kwa ajili ya kutoa mafunzo juu ya utangazaji wa redio kwa njia ya mtandao (podcasting) kwa watangazaji wa Radio Mlimani.

Baadhi ya watangazaji wa Mlimani Redio wakipokea mafunzo kutoka kwa mtaalam kutoka nchini Finland Markiku Liukkonen (Aliesimama kushoto)

Mafunzo hayo ya siku mbili yamefunguliwa na Coordinator war Radio Mlimani Bw. Ernest Mrutu ambapo amesema kuwa baada ya watangazaji hao kupewa mafunzo hayo Radio Mlimani itasikika duniani kote kwa njia ya mtandao kwani wataweza kurusha vipindi vya radio kupitia internet (podcasting).

Mmoja wa wapokeaji wa mafunzo hayo bw. Njonjo Mfaume akipitia kwa makini baadhi ya vitu muhimu alivyoelekezwa na mtaalamu huyo.

Kazini

Mtangazaji wa Mlimani Redio bw. Gervas Chrles akipewa mafunzo na kusikiliza kwa umakini

Bw. Hilali Ruhundwa na Bibie Reynefrida Rwezaura wakiyafurahia mafunzo wanayopewa na mtaalamu wao

Wahusika katika mafunzo hayo wakiwa ni Zuhura selemani, Hilali Ruhundwa, Reynefrida Rwezaura, Gervas Charles na Njonjo Mfaume huku miongoni mwa vitu ambavyo vimegusiwa katika mafunzo hayo vikiwa ni pamoja utumiaji wa mitandao mbalimbali katika kukusanya Habari.

Mafunzo yanaendelea huku mtangazaji wa Mlimani Redio Zuhura Selemani akifuatilia kwa makini kile anachoelekezwa na mtaalamu huyo.