AJALI YAUA WATANO KUTOKA FAMILIA MOJA IRINGA

Gari dogo aina ya TOYOTA RAV lenye namba za usajili 4 T 770 BMP lililokuwa likiendeshwa na Bw EZEKIEL MWAITELEKE (Marehemu)lilipata ajali eneo la Tanangozi mkoani Iringa, majira ya saa sita na nusu mchana na kusababisha vifo vya watu watano hapo hapo, wanaotoka katika familia moja leo Disemba 4, 2012  

Baadhi ya akina mama wasamalia wema wa kijiji cha Tanangozi mkoani Iringa wakimpepelea mmoja wa majeruhi wa ajali hiyo iliyohusisha TOYOTA RAV 4 T 770 BMP lililoingia nyuma Trailer  la gari lenye namba za usajili T 566 BNQ ambapo watu watano wa familia moja waliokuwa wakitokea Dar es salaam kwenda mbeya walifariki papo hapo.

 Gari aina ya scania lenye Cabin no. T 840 BST likiwa na trailer no. T 566 BNQ lililogongwa kwa nyuma na toyota RAV 4 T 770 BMP na kusababisha vifo vya wanafamilia hao.

Habari kwa hisani ya francis godwin, Picha na Misanjo Livigha

AJALI mbaya  imetokea  mkoani Iringa mchana  wa  leo na kusababisha  vifo  vya  watu  wanne  wa familia  moja  pamoja na mfanyakazi  wa ndani mmoja.

Ajali  hiyo  imetokea katika  eneo la Tanangozi  wilaya ya  Iringa kwenye kizuizi cha barabara  cha mafundi wa kutengeneza barabara  kuu ya Iringa - Mafinga  mkoani Iringa mida ya saa nane mchana.

Kwa mujibu  wa mashuda  wa  tukio   hilo  wameeleza kuwa  chanzo  cha ajali  hiyo ni dereva wa gari dogo aina ya Rav 4  yenye namba  za usajili T 770 BMP kulipalamia lori  lenye tela kwa nyuma.  

Huku  chanzo kikitajwa  kuwa ni kuendesha  kwa mwendo kasi  wa  dereva  wa gari dogo marehemu Ezekiel Mwaiteleke  na kushindwa  kulimudu na kulipalamia lori kwa nyuma. ambapo gari hiyo ndogo ilikuwa ikitokea  jijini Dar es Salaam kwenda Kyela mkoani Mbeya.

Katika ajali  hiyo  wanafamilia wote  watano akiwemo baba na mama  wa  watoto  wawili  pamoja na mfanyakazi wa ndani wamefariki dunia papo hapo na maiti  zote  kupelekwa katika Hospitali ya mkoa wa Iringa.

Majina ya  waliopoteza maisha  ni pamoja  na Ezekiel Mwaiteleke ambaye ndiye aliyekuwa dereva  wa gari hilo na baba  wa familia  hiyo, mkewe Grace Mwaiteleke, mtoto Kelvin Mwaiteleke(2), Happy Mwandike na mfanyakazi  wao  wa ndani aliyefahamika kwa jina la Linda Ezekiel, huku aliyenusurika katika ajali hiyo ni mmoja na amekimbizwa  Hospitali ya mkoa  wa Iringa kwa matibabu.