ULIMWENGU WA HABARI: NIGERIA: PETER ENEH AFARIKI DUNIA BAADA YA KUFANYIWA OPARESHENI MGUUNI

Marehemu Peter Eneh

MUIGIZAJI maarufu wa nchini Nigeria Peter Eneh kutoka NOLLYWOOD amefariki dunia siku ya Alhamis baada ya kufanyiwa oparesheni ya mguu katika Enugu State University Teaching Hospital na kufikwa na umauti huo katika hospitali hiyo.

Kifo cha veteran huyo kilithibitishwa na Afisa habari wa huko Enugu, Afam Okereke ambaye pia naye ni muigizaji.

Inasemekana chanzo cha ugonjwa uliopelekea mkongwe huyo katika sanaa ya maigizo nchini Nigeria kufariki dunia ni kuumia katika mguu wake ambapo hilo lilitokea mwaka mmoja uliopita na kutopata tiba inayohitajika na ya uhakika kitu kilichopelekea mguu huo kutopona na hatimaye kupelekwa hospitali na kuufanyia oparesheni lakini hali ikawa mbaya zaidi na kupelekea umauti wake, kwani maambukizi yalikuwa yameshafika mbali.

Inaripotiwa kuwa alilazimika kwenda hospitali hapo kuwaona madaktari kwa muda usiopungua miezi mitatu kabla ya kushauriwa na madaktari hao kuwa mguu ni vyema ukatwe ili kuzuia maambukizi kusambaa sehemu nyingine za mwili.

Msaanii huyo mkongwe ameshiriki katika filamu nyingi kama vile; Heavy Rain, Arrows, By His Grace, Ngozi: Abeg Marry Us, Naomi, The Suitors na filamu ya Not Your Wealth.

Mbali na Peter Eneh wasanii wengine walioripotiwa kuwa wamefariki tangu mwaka 2010/11 ni...

Jina	Umri	Kufariki	Sababu
Toun Oni	68	Julai 7, 2010	Ugonjwa
Sam Loco Efe	66	Agosti 6, 2011	Mawazo
Geraldine Ekeocha	56	Sept. 5, 2011	Oparesheni
Hajiya Amma Garba a.k.a Mama Dumba	52	Nov. 29,2010	Ugonjwa
Ishola Durojaiye a.k.a Alasari	49	Mach 20, 2011	Ajali ya Gari
Ashley Nwosu	58	April 21, 2011	Tatizo la Figo
Yemisi Akande a.k.a Yemisi Eleto	39	June 25, 2011	Ugonjwa
Christy Essien	50	June 30, 2011	Ugonjwa wa Ghafla
Donald Okoli	30	Sept. 23, 2011	Alifariki Usingizini

Chanzo: channelstv